காட்டாமணக்குப் பால் கறைகள்

1. காட்டாமணக்குப் பால் கறைகள்
   சட்டை நிறைய சிறுவயதில்
   உவர் மண்ணோ சவுக்காரமோ
   கறைக் குறை நீங்கியதில்லை
   
   காற்றைப் பிளந்து புழுதி பறக்க
   சைக்கிள் நட்புப் பலகாலம்
   மசைக் கறைகள் ட்ரௌசரெங்கும்
   கருப்பாய் பழுப்பாய் திட்டுத்திட்டாய்
   ...
   கறை நிறம் புதிசாய்ப் பார்த்ததில்லை
   பணியிடத்தில் பக்கத்து இருக்கைக்காரன்
   கைகள் சிவக்கக் காவலர் வந்ததும்
   புரிந்தது பணத்திலும் கறையுண்டென
   
   துரோகக் கறைகள் நீங்காதென்பார்
   திருமதி மாக்பெத் கைகள் கழுவியபடியே
   கார்பன் கறைகள் மனிதக்கொடை பாரெங்கும்
   ஏழு ஜென்மம் தொடரும் பாவக் கறைகள்