அசல் தேடும் நகலின் பிலாக்கணம்

1. அசல் தேடும் நகலின் பிலாக்கணம்
   
   அரை ஜீபீ போறாத வாழ்க்கை
   கூட்டுப் புழுவாய் தொங்கி தூங்கி
   ஊர்ந்து, அந்தர் அடித்து,சிறகு விரியப்
   பறந்திடும் ஆசையில் பல நாள்!
   வாங்கி வந்த வரத்தை யோசிக்கையில்
   சிறகுகள் வருமுன் சீவனற்றுப்போகும்!
   சூறாவளிகள் நகர்த்தி தூர வீசியெறிந்தும்
   மீள தொடக்கப் புள்ளி தேடி புழு ஊர்வலம்...
   காலியான பெர்ஃயூம் குப்பிகள் அணிவகுப்பில்
   இருத்தலின் மணம் பூரிதமாகும் நம்பிக்கை
   கையெழுத்துப் போட ஒட்டிய ஸ்டாம்புகள்
   விளம்பிய முகவரி விரைவாய் தொலைய
   ஒலிபெருக்கி முன் நின்று கணைத்தலில்
   வாங்கிய ஆராய்ச்சிப் பட்டம் எல்லாம்
   ஊசித்துளையில் ஒட்டகம் நுழைய
   வழி சொல்லிக் கடந்து போயின!
   காத்திருக்கலாம் இனி அடுத்த சூறாவளிக்காய்!
   அதுவும் இல்லையேல் அரைக்கால் ஜீபி தான்.
   எருக்குழி சாணம் நிரப்பிய நிம்மதி மட்டிலும்