பாட்டி அறிவாள் யந்திரத்தின் மகிமை

1. பாட்டியறிவாள்
   யந்திரத்தின் மகிமை
   ஒரு கால் மடக்கி
   ஒரு கால் நீட்டி
   யந்திரத்தின் முன்
   கைப்பிடி குச்சியின்
   கழட்டுத் தள்ளாட்டம் போக்கி
   துணைக்கு ஆணி இறுக்கி
   முதலில் தவிடு அரைத்து
   பின் தானியம் சுற்றும்...
   மாவாய், நொய்யாய்
   மையத்தில் சேகரம்………..
   
   விளிம்பில் வீழும்
   மாவை வாகாய்
   சேகரிக்கும் கைகள்
   தூரத்தில் சிதறும்
   மனிகளை மீண்டும்
   அரைத்து பொடி செய்ய
   மனம் ஒப்புவதில்லை
   சிந்தியது சிந்தியதே………….
   
   கை சுழற்றும்
   வாய் வெற்றிலை குதப்பும்
   நாக்கு துழாவும்
   இதற்குள் லகுவாய்
   ஓரிரு தடவை
   கால் மாற்றி
   உட்காரும் சமர்த்து
   வலி தெரியாமல்.
   
   பாட்டியறிவாள்
   யந்திரத்தின் மகிமை
   பிருமணை போட்டு
   குந்தவைத்த பலகாரச் சட்டி
   விரைவாய்க் காலியாகும்
   ருசியறிவர் மற்றவர்
   
   காமிரா உள்ளில்
   மூலையில் நிற்கும்
   பாட்டி படுக்கும்
   கிழிந்த கோரைப்பாய்
   சாட்சியாய் அனைத்துக்கும்