கால வெளியில் கழன்றுபோன என் இடது தோள்

1. கால வெளியில் கழன்றுபோன
   என் இடது தோளைத் தேடுகிறேன்
   துருவ கரடிகள் சுமந்த குளிரை
   எளிதாய் தாங்கிய தோளது
   
   ஒற்றைக் கையால் லகுவாய்
   ஏவுகணைகள் வீசிய தோரணை!- இன்று
   எங்கு சென்று தேடுவது
   
   பண்ணை அறுவடை நாட்களில்...
   அரிவாள் பிடித்து சுழற்றிய
   ஞாபகம் அண்மையில் கூட…….
   
   சிலை வடிக்க மாதிரியாய்
   ஆணும் பெண்னும் தோளுயர்த்த
   உயர்ந்த தோளது என்றும்!-இன்று
   எங்கு சென்று தேடுவது
   
   தோளை இழந்தவன்
   தோழமை இழந்தவன்
   அங்குசம் ஏந்தி மண் அழிக்கும்
   மதயானை அடக்க- தேவை
   இடது தோளின் உக்கிரம்.
   
   இரவல் தோள்தர
   கூட்டணி போட பலர்
   இருப்பின் சாட்சியம்
   நான் அறிவேன் ஆயினும்
   என் இடது தோளையே
   நான் நேசிக்கிறேன்
   
   வெளியெங்கும் அலைதலில்
   சில அகவைகள் கரைதலில்
   ஒரு நாள் மீண்டும்
   மீட்டெடுப்பேன்
   இடது தோளை!!