- முதன் முதலாய்
மூக்கில் வழிந்த
தன் ரத்தத்தைத்
தன் கையில்
பார்க்கையில்
அவனுக்கு
வயது எட்டு!
ரத்தத்தின் மணம் என்ன?
சுவை எதுவோ?...
சிவப்பில் எந்த நிறம்?
ரத்தம் சிந்தும் மனிதன்
காயம் உணர்ந்தவன்
வலி அறிந்தவன்
அட்டைகளைக் கண்டால்
அருவருப்பு வரும்
அவனுக்கு
அடுத்தவர் ரத்தம்
அதன் ருசி
நல்ல வேளை
அவை மனிதனல்ல!
மனித ரத்தம்
எந்த வகை?
பேரனின் நோட்புக் குறிப்பு:
நல்ல ரத்தம்
நான்கு வகை:
யேசு ரத்தம்
காந்தி ரத்தம்
லிங்கன் ரத்தம்
மார்க்ஸ் ரத்தம்
கெட்ட ரத்தம்”
ஹிட்லர் ரத்தம்
கம்ப்யூட்டர் வைரஸ் ரத்தம்
ஸ்பைடர் மேன் ரத்தம்
ட்யூஷன் வாத்தியார் ரத்தம்
ரத்தம் அதிகமானால்
ஹாலிவுட் வால்ட் டிஸ்னி
படங்களில் நடிக்கலாம்
ரத்த சோகையென்றால்
அடுத்தவன் ரத்தம் உறிஞ்ச
அரசியலில் நடிக்கலாம்
Tuesday, 22 July 2014
நல்ல ரத்தம் நான்கு வகை
Subscribe to:
Post Comments (Atom)
No comments:
Post a Comment